【极速传说】读速 2,250MBs SSD 快到识飞？！【

好多人都觉得用 SSD 好爽，咁又係，几年前係咁意将部 Netbook 只 HDD 拆出嚟上只 SSD，就已经有「飞一般」的感觉，畅快好多；近期一般 SSD 都係 500MB/s 左右，呢个数字睇得多，都已经令到我 Funky 仔对 500MB/s 呢个数有啲麻木，不过今次有条「怪兽级」SSD 落咗场，场中人用快到识飞嚟形容！

SSD 点样飞我就唔知喇，不过呢条「三叔」SM951 SSD，读速去到 2,250MB/s，你无睇错係四位数字，写速都有 1,220MB/s，未用过就真係唔够胆讲话佢有几爽，不过睇到数字都已经觉得「恐怖」；不过要买起呢条M.2 SSD 都要付出相应代价，剩係 256GB 都要接近二千五蚊，比起依家 2.5 吋都真係贵几倍价。